Bakıda ağır yol nəqliyyat hadisəsi baş verib.
Yenicag.az apa-ya istinadən xəbər verir ki, hadisə Maştağa qəsəbəsində qeydə alınıb. “BMW” markalı avtomobil idarəetməni itirirək bir neçə avtomobillə toqquşub.
Bakı şəhər Baş Dövlət Yol Polisi İdarəsindən bildirilib ki, 1994-cü il təvəllüdlü Məmmədşah Zeynalovun idarə etdiyi BMW marikalı avtomobil idarəetməni itirirək yolun kənarında dayanan “Mercedes”, “Chevrolet” və “VAZ” markalı avtomobillərə çırpılıb.
Nəticədə ikisi azyaşlı olmaqla ümumilikdə 4 nəfər xəsarət alıb.
Faktla bağlı araşdırma aparılır.
