Bakı, 18 iyun, AZƏRTAC
“Biz razılıq əldə etdikdən sonra Ukrayna NATO-ya üzv olacaq”.
AZƏRTAC xəbər verir ki, bu barədə NATO-nun Baş katibi Yens Stoltenberq bildirib.
O qeyd edib ki, səs çoxluğu kifayət deyil və qərar yekdilliklə qəbul edilməlidir.
Stoltenberqin fikrincə, Ukraynanın Alyansa üzv olması gecikdirilməməlidir. Bunun üçün münaqişəni tamamilə dayandırmaq lazımdır.
Xatırladaq ki, bundan öncə Almaniya Kansleri Olaf Şolts Ukraynanın yaxın 30 ildə NATO-ya üzv olmayacağını demişdi.
