Niderland yığmasının hücumçusu Kodi Qakpo 21-ci əsrdə böyük beynəlxalq turnirin qrup mərhələsində ardıcıl dörd oyunda qol vuran üçüncü avropalı futbolçu olub.
Qakpo Avro 2024-ün 1-ci turunda Polşaya qarşı matçda qol vurub. Futbolçu bundan əvvəl 2022-ci ildə Qətərdə keçirilən dünya çempionatının qrup mərhələsinin bütün oyunlarında qol vurub.
21-ci əsrdə yalnız portuqaliyalı Kriştiano Ronaldo və ispan Alvaro Morata belə bir nailiyyət əldə edə biliblər.
Niderland - Polşa görüşü 2:1 hesabı ilə başa çatıb.
Polşa millisinin heyətində hesabı Adam Buksa açıb. O, 16-cı dəqiqədə fərqlənib. Qarşılaşmanın 29-cu dəqiqəsində Niderlandın heyətində Kodi Qakpo hesabı bərabərləşdirib. 83-cü dəqiqədə Vout Veqhorst oyunun yekun hesabını təyin edib. / Publika.az
- Gecə Modu
- Ana səhifə
- Statistika
- Səhifələr
- Reytinq
- Hava
- Valyuta
