Səudiyyə Ərəbistanı Xarici İşlər Nazirliyinin rəhbəri şahzadə Faysal bin Fərhan Əl Səud bildirib ki, Rusiya-Ukrayna münaqişəsini həll etmək məqsədi daşıyan istənilən etibarlı sülh prosesi Rusiyanın iştirakını tələb edir.
Oxu24.com xəbər verir ki,bu barədə TASS məlumat yayıb.
O vurğulayıb ki, krallıq beynəlxalq ictimaiyyətin münaqişənin həllinə aparan yol xəritəsinin bir hissəsi kimi çətin kompromislər tələb edən ciddi danışıqlara doğru istənilən addımı təşviq etməsini vacib hesab edir.
Şahzadə ümid etdiyini bildirib ki, İsveçrədə Ukrayna üzrə sammitin nəticələri yuxarıda təsvir olunan məqsədləri əks etdirəcək.
Bundan əvvəl İsveçrə prezidenti Viola Amherd demişdi ki, Ukraynada sülh prosesi Rusiya Federasiyasının iştirakı olmadan təsəvvür edilə bilməz.
İsveçrənin Bürgenstok kurortunda Ukraynadakı münaqişənin Rusiyanın iştirakı olmadan həllinə dair sammit keçirilir.
İyunun 15-də İtaliyanın baş naziri Giorgia Meloni Rusiyanın aktivlərinin blokdan çıxarılması perspektivini Ukraynadakı sülh prosesi və Kiyevə təzminatla əlaqələndirib.
Bundan əvvəl Zelenski Putinin sülh danışıqlarının başlaması ilə bağlı şərtlərini “etibar etmək mümkün olmayan ultimatum” adlandırmışdı.
Miri
