ABŞ Ukraynaya enerji sektoru, humanitar ehtiyaclar və vətəndaş təhlükəsizliyi üçün 1,5 milyard dollardan çox vəsait verəcək. "Yeni Azərbaycan" xəbər verir ki, bu barədə Ağ Ev məlumat yayıb.
Dəstək üçün vəsait Beynəlxalq İnkişaf Agentliyi və Dövlət Departamenti vasitəsilə yönəldiləcək. Bunun 500 milyon dolları ilk dəfə ayrılacaq və enerjiyə gedəcək, 324 milyonu isə digər fondlardan enerjiyə yönəldiləcək.
"Bu maliyyə müharibə zamanı itirilmiş enerji infrastrukturunu bərpa edəcək, elektrik enerjisi istehsalını genişləndirəcək və özəl sektor investisiyalarını stimullaşdıracaq", - deyə Ağ Evin bəyanatında deyilir.
Qeyd olunur ki, qaçqınlara dəstək üçün daha 379 milyon, Ukrayna sərhədçiləri və hüquq-mühafizə orqanları üçün isə 300 milyon vəsaitin ayrılması planlaşdırılır.
Havar Şəfiyeva
