1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Türkiyədə 2024-cü ilin sonuna inflyasiyanın 43,52% olacağı gözlənilir.
Bu proqnoz ölkənin Mərkəzi Bankının sorğusunda iştirak edən bazar iştirakçıları tərəfindən səsləndirilib.
May ayında bu göstərici 43,64% təşkil edib. Ayın sonunda isə Türkiyədə inflyasiya, rəsmi məlumatlara görə, 75,4% təşkil edib.
Türkiyə Maliyyə Nazirliyinin rəhbəri Mehmet Şimşek daha əvvəl bildirmişdi ki, inflyasiyanın azalması iyunda başlayacaq və ilin sonuna qədər 38%-ə enəcək.
Bazar iştirakçılarının proqnozlarına görə, Türkiyə Mərkəzi Bankının uçot dərəcəsi ilin sonuna kimi 50,77% təşkil edəcək. May ayında keçirilən sorğuda respondentlər 51,51% inflyasiya proqnozlaşdırmışdılar. Türkiyə Mərkəzi Bankı mart ayından etibarən əsas faiz dərəcəsini dəyişməyərək 50% səviyyəsində saxlayıb.
Türkiyənin ilin sonuna qədər iqtisadi artım proqnozları dəyişməyib və may ayı sorğusunda olduğu kimi 3,3% səviyyəsində qalıb. Bu ölkə hakimiyyətinin gözləntiləri ilə üst-üstə düşür.
Mənbə: Hürriyet
