AZ

Ermənistanın eks-prezidenti barəsində istintaq aparılır

Ermənistanın eks-prezidenti Armen Sarkisyanın xarici vətəndaşlığı ilə bağlı cinayət işi üzrə ibtidai istintaq davam edir.

Modern.az xəbər verir ki, bu barədə “Sputnik Ermənistan”ın sorğusuna cavab olaraq Ermənistan Respublikasının İstintaq Komitəsi məlumat yayıb.

Ötən ilin aprelində “Sputnik Ermənistan”ın sorğusuna cavab olaraq Ermənistan Respublikasının Milli Təhlükəsizlik Xidməti eks-prezident Armen Sarkisyanın xarici vətəndaşlığı ilə bağlı cinayət işinin İstintaq Komitəsinə verildiyini bildirmişdi.

Qeyd edək ki, “Vətən naminə Tavuş” etiraz hərəkatının lideri, arxiyepiskop Baqrat Qalstanyanın da Kanada vətəndaşlığı daşıdığı məlum olduqdan sonra yüksək dövlət vəzifələrinə namizədliyi irəli sürülən zaman ikinci vətəndaşlığın olması mövzusu yenidən fəal müzakirə olunmağa başlayıb.

Xatırladaq ki, Ermənistan prezidenti Armen Sarkisyan 2022-ci il yanvarın 23-də istefa verib. Sarkisyan bu qərara səbəb kimi lazımi səlahiyyətlərin olmamasını göstərib, onun sözlərinə görə, prezidentin siyasi proseslərə təsir göstərməsi məhduddur.
O zaman Sarkisyanın prezident seçilməzdən əvvəl Karib hövzəsindəki kiçik Sent Kitts və Nevis ştatının vətəndaşlığına malik olması barədə məlumat yayılmışdı. Onun prezident seçilmək hüququ yox idi.

Məlumata görə, Sarkisyan 500 min dollarlıq sərmayə qarşılığında Karib hövzəsinin Sent-Kits və Nevis əyalətinin vətəndaşlığını alıb.

Bütün xəbərləri reklamsız oxumaq üçün

Günlük ölkədə baş verən xəbərləri bizdən izlə.

Seçilən
141
23
modern.az

10Mənbələr