Argentinanın paytaxtı Buenos-Ayresdə 30 mərtəbəli binaya dırmaşan polşalı alpinist görənləri heyrətə gətirib.
Axar.az “Röyters”ə istinadən xəbər verir ki, Martin Benua adlı alpinist heç bir qoruyucu vasitələr olmadan 125 metrlik binaya qalxıb.
Hadisə ilə əlaqədar əraziyə polis, yanğınsöndürmə və xilasetmə qrupları göndərilib. Argentina milli futbol komandasının forması geyinən alpinist xilasedicilər tərəfindən aşağı endirib.
Alpinist polis nəzarətinə götürülüb.
