47 yaşlı qadın Respublika Klinik Xəstəxanasında 47 yaşında ana olan qadının hamiləliyi təcili qeysəriyyə əməliyyatı ilə sonlandırılıb və övladı ilə birlikdə evə yola salınıb.
Bu barədə E-saglam.az-a Respublika Klinik Xəstəxanasının mətbuat xidmətindən məlumat verilib.
Qeyd olunub ki, hamiləliyinin 30-31 həftəliyində EKM (ekstrakorporal mayalanma), ağır dərəcəli preeklampasiya, yaşlı ilkdoğan diaqnozu ilə Respublika Klinik Xəstəxanasına müraciət edən vətəndaş Şəfaqət Hüseynovaya zəruri tibbi xidmətlər göstərilib və hamiləliyi təcili qeysəriyyə əməliyyatına alınıb.
1 400 qr çəkidə doğulan qız uşağının vəziyyəti ağır olduğu üçün Neonatologiya şöbəsində müalicə alıb, çəkisi 1 700 qr-a qədər artıb.
Vəziyyəti yaxşılaşan ana və uşaq evə yola salınıb.
Qeyd edək ki, bu, xanımın ilk hamiləliyi və ilk övladıdır.
E-saglam.az
