Leysan və külək Göyçayda fəsadlar yaradıb

Külək və yağış divarlarının uçmasına və yararsız hala düşməsinə səbəb olub
Dünən gecə saatlarından başlayan leysan yağışları və güclü külək Göyçay rayonunda fəsadlar törədib.
AYNA-nın APA-ya istinadən xəbərinə görə, küləklə müşayiət olunan leysan yağışları Göyçay rayonunda ağacların aşmasına, bir neçə kənddə elektrik enerjisinin verilməsində fasilələrə səbəb olub.
Rayonun Yalman kəndində sakinə məxsus anbarın divarları və dam örtüyü uçub. Külək və yağış digər kəndlərdə də divarlarının uçmasına və yararsız hala düşməsinə səbəb olub.
Aparılan təmir-bərpa işləri nəticəsində artıq bir çox ərazilərə elektrik enerjisinin verilməsi təmin edilib və bu istiqamətdə işlər davam etdirilir.