HƏMAS hərəkatının rəhbərliyi Vaşinqtonun Qəzza zolağında atəşkəs planının onlara uyğun olduğunu təsdiqləyib.
NOCOMMENT.az xəbər verir ki, bunu Rusiya prezidentinin Yaxın Şərq və Afrika ölkələri üzrə xüsusi nümayəndəsi, xarici işlər nazirinin müavini Mixail Boqdanov açıqlayıb.
HƏMAS üçün belə həssas məqamlar arasında Boqdanov İsrailin Qəzza zolağından çıxarılması, tam atəşkəs və girovların fələstinli məhbuslarla dəyişdirilməsi məsələsini qeyd edib.
Bununla yanaşı, Ağ evin Milli Təhlükəsizlik Şurasının strateji kommunikasiyalar üzrə koordinatoru Con Kirbi də təsdiqləyib ki, Vaşinqton administrasiyası HƏMAS-ın Qəzza zolağında atəşkəslə bağlı təkliflərə reaksiyasını alıb və qiymətləndirir.
Qeyd edək ki, iyunun 10-da BMT Təhlükəsizlik Şurası İsrail və HƏMAS arasında atəşkəsə dair yeni təklifi dəstəkləməyə çağırış edən ABŞ-nin qətnamə layihəsini qəbul edib.
