U-21 millimiz bu gün növbəti matçına çıxır

21 yaşadək futbolçulardan ibarət yığma komandamız bu gün növbəti yoldaşlıq matçını keçirəcək.

“Football-plus.az” xəbər verir ki, Samir Əliyevin rəhbərlik etdiyi kollektiv Bakıda Bolqarıstandan olan həmyaşıdları ilə qarşılaşacaq. “Liv Bona Dea Arena”da baş tutacaq matçın start fiti saat 20:00-da səsləndiriləcək.

Qeyd edək ki, komanda iyunun 7-də Slovakiya ilə keçirdiyi yoldaşlıq görüşündə 2:3 hesabı ilə məğlub olub.