Azərbaycan karateçiləri Gürcüstanın paytaxtı Tbilisidə keçirilən “Open Georgia” beynəlxalq turnirində 3 medal qazanıblar. Naxçıvan Muxtar Respublikası Gənclər və İdman Nazirliyinin mətbuat xidmətindən SİA-ya verilən məlumata görə, turnirdə Azərbaycanı 6 idmançı təmsil edib.
"Qapıçıq” klubunun üzvləri ölkəmizin aktivinə 1 qızıl, 2 gümüş medal əlavə etdiriblər. Kumite yarışlarında iştirak edən Xədicə Bayramova (30 kq) 10-11 yaş kateqoriyasında rəqiblərini üstələyərək qızıl medal qazanıb. Nərgiz Həsənli (61 k) 14-15 yaş kateqoriyasında ikinci olub. Kata yarışlarında iştirak edən Kənan Qənbərov (+55 kq) isə 12-13 yaşlılar arasında ikinci yeri tutub.
Qeyd edək ki, iki gün ərzində keçirilən yarışda 9 yaş kateqoriyasında müxtəlif çəki dərəcələri üzrə idmançılar iştirak edib.
