Ukrayna Silahlı Qüvvələrinin Hərbi Hava Qüvvələrinin spikeri Sergey Qolubtsov bildirib ki, Kiyev İsveçin “Qripen” qırıcılarını qəbul etmək üçün lazımi infrastruktura malikdir.
NOCOMMENT.az xəbər verir ki, o , bu barədə “Donbass Reallıqları” layihəsinə verdiyi müsahibədə bildirib.
“Ukrayna aviasiyası 2018-ci ildə mövcud sovet təyyarə parkını Amerikanın F-16 qırıcıları, İsveçin Gripen, Avropanın Eurofighter və Fransanın Rafale təyyarələri ilə əvəz etməyi planlaşdırıb və Ukrayna artıq bu təyyarələr üçün sorğu göndərib”, -deyə Sergey Qolubtsov bildirib.
“Bu, İsveçin dağılma strategiyasına uyğun istehsal edilmiş bir təyyarədir. O, hətta adi yollardan istifadə edə bilir və heç bir xüsusi örtük tələb etmir. F-16-da istifadə oluna bilən hər şey Gripen-də istifadə oluna bilər”, – deyə o bildirib.
