Polşa Prezidenti Andjey Duda Ukraynadan olan qaçqınlara yardım haqqında qanuna dəyişiklikləri imzalayıb.
Axar.az xəbər verir ki, bu barədə ölkə Prezidentinin Aparatının mətbuat xidməti məlumat yayıb.
Qanuna edilən dəyişikliklər ukraynalı qaçqınlar üçün müvəqqəti müdafiə müddətini 30 iyun 2024-cü ildən 2025-ci il sentyabrın 30-dək uzadıb. Beləliklə, ukraynalılar tibbi xidmətlərdən, ailə və sosial müavinətlərdən yararlanmağa davam edəcəklər.
Həmçinin, uşaqların tərbiyəsi üçün müavinətlərin təyin edilməsi və ödənilməsi uşağın Polşa təhsil müəssisəsində təhsil alıb-almamasından asılı olacaq. Söhbət 800 zloti məbləğində və "Yaxşı Başlanğıc" proqramı çərçivəsində - məktəblilərin valideynlərinin məktəb əşyaları almaq və yeni dərs ilinə hazırlaşmaq üçün ildə bir dəfə aldığı 300 zlotılıq ödənişdən gedir.
