Almaniya hökuməti Ukrayna məhsulları üçün Avropa İttifaqı (Aİ) ölkələrinə əsas bazarlarını açmağa çağırıb.
Bizim.Media xəbər verir ki, bu təkliflə Almaniyanın İqtisadi Əməkdaşlıq və İnkişaf naziri Svenya Şulze SPD-nin Berlində keçirilən iqtisadi forumunda çıxış edib.
Onun sözlərinə görə, bu, Ukraynanın Aİ-yə daxil olmasına hazırlıq üçün vacibdir.
Şulze həmçinin Ukrayna üçün federal büdcədən kənar xüsusi fondun yaradılmasına çağırıb: "Biz Almaniyanın təhlükəsizliyinə sərmayə qoymalı və Ukraynanın sağ qalmasına və özünü müdafiə etməsinə kömək etməliyik - bunların hər ikisi büdcəmizdən daha çox pul tələb edir".
Onun fikrincə, Almaniyanın Ukrayna qarşısında öhdəlikləri “daha etibarlı” olmalıdır.
Qeyd edək ki, daha əvvəl Almaniyanın maliyyə naziri Kristian Lindner Ukrayna üçün xüsusi fond yaratmaqdan imtina edib.
Bizim.Media
- Gecə Modu
- Ana səhifə
- Statistika
- Səhifələr
- Reytinq
- Hava
- Valyuta
