Arxeoloqlar İtaliyanın Neapol şəhəri yaxınlığındakı qədim Pompeyin xarabalıqlarında yeni divar rəsmləri aşkar ediblər.
ILK.AZ Azərtac-a istinadən xəbər verir ki, divar rəsmlərində qladiatorların döyüş səhnəsi və ov səhnələri əks olunub. Arxeoloqlar cizgilərin primitiv xarakterli olduğunu əsas gətirərək bunun 8-10 yaşlı uşaqlar tərəfindən edildiyi qənaətinə gəliblər.
Psixoloqlar isə qədim Pompeydə insanların bir-birinə və heyvanlara qarşı zorakılığının adi hal olduğunu bildirirlər. Onların fikrincə bu zorakılıq uşaq yaşlarından yaddaşlara həkk olunur.
Qeyd edək ki, Pompey şəhəri təxminən 2 min il əvvəl Vezuvi vulkanının püskürməsi nəticəsində məhv olub.
Mənbə: AZƏRTAC
