Azərbaycanda 39 dərəcə isti qeydə alınıb - FAKTİKİ HAVA

İyunun 7-si saat 9:00-a olan məlumata əsasən Azərbaycanda hava şəraiti sabit, əsasən yağmursuz keçib.

Oxu.Az xəbər verir ki, bu barədə Milli Hidrometeorologiya Xidmətindən məlumat verilib.

Bildirilib ki, havanın maksimal temperaturu Bakıda və Abşeron yarımadasında 33-36, Naxçıvan Muxtar Respublikasında 35, Aran rayonlarında 35-39, dağlıq rayonlarda 25-29, yüksək dağlıq ərazilərdə isə 16 dərəcəyədək isti olub.