İsrail güclü beynəlxalq təzyiqlərlə üzləşdiyi halda bir neçə cəbhədə birdən-birə hərbi əməliyyatlar keçirməyə məcbur olsa da, məqsədlərindən əl çəkmir.
İqtisadiyyat.az xəbər verir ki, bunu İsrailin Baş naziri Benyamin Netanyahu İsrail Müdafiə Qüvvələrinin Mərkəzi Komandanlığında keçirdiyi görüşdən sonra deyib.
"İsrail dövləti cənubda, şimalda və burada, İordan çayının qərb sahilində mübarizə aparır. Bizə qarşı kompleks beynəlxalq təzyiqlər var, amma mən sizi bir şeyə inandıra bilərəm: bundan artıq olmayacaq, biz bu reallığı dəyişəcəyik", - deyə Netanyahu bildirib.
"İsrailin təhlükəsizliyini qorumaq üçün əsgərlərimizə, komandirlərimizə və təhlükəsizlik qüvvələrimizə güvənirəm", - o əlavə edib.
