Qəzzada ölənlərin sayı 36 586-ya çatıb

İsrailin 243 gündür hücumlarını davam etdirdiyi Qəzzada ölənlərin sayı 36 586-ya çatıb.

BiG.AZ xəbər verir ki, Qəzzada Fələstin Səhiyyə Nazirliyindən verilən açıqlamada İsrailin Qəzza zolağına 243 gündür hücumları ilə bağlı məlumat verilib.

İsrail ordusunun son 24 saat ərzində Qəzzanın müxtəlif bölgələrində 4 qırğın həyata keçirdiyi və bu hücumlarda daha 36 fələstinlinin həyatını itirdiyi, 115 fələstinlinin isə yaralandığı bildirilib.

Bəyanatda dağıntılar altında və yol kənarında hələ də cəsədlərin olduğu, lakin tibb qruplarının və mülki müdafiə işçilərinin cəsədlərə çata bilmədiyi bir daha vurğulanıb.