Kriptovalyuta istifadə edənlərin sayı 500 milyon nəfəri ötüb.
Fins.az Triple A-nın hesablamalarına istinadən xəbər verir ki, 2024-cü ildə dünya əhalisinin 6,8%-nə bərabər olan 562 milyon insan rəqəmsal aktivlərə sahib olub. 2023-cü ildəki göstərici isə 420 milyon nəfər idi. Bu o deməkdir ki. Son 1 ildə kriptovalyuta ilə ticarət edənlərin sayı 34% artıb.
Araşdırmaya görə, BƏƏ, Sinqapur, Türkiyə və Argentina çoxlu bitkoin sahiblərinə ev sahibliyi edir.
Sorğu həmçinin müəyyən edib ki, iqtisadi fərqlərə baxmayaraq, Türkiyə və Argentina kimi inkişaf etməkdə olan ölkələr Sloveniya və Lüksemburqdan daha çox kriptovalyuta investorlarına malikdir.
Asiya bitkoin sahibliyində liderdir və rəqəmsal aktivlər və yeni texnologiyalar üçün mərkəz kimi seçilir. Asiya dünya üzrə 562 milyon bitkoin sahibinin yarısından çoxunun vətənidir. Şimali Amerika 72,2 milyon bitkoin sahibi ilə geri qalır.
Asiyada bitkoin istifadəsi 2016-cı ildəki 268,2 milyon investordan 2024-cü ildə 326,8 milyona qədər sürətlə artıb.
Bu inkişaflar rəqəmsal aktivlərin qlobal iqtisadiyyatda rolunun nə qədər əhəmiyyətli olduğunu və gələcəkdə daha da artacağını göstərir.
