"Ən-Nəsr"in hücumçusu Kriştianu Ronaldu Səudiyyə Ərəbistanı Pro Liqasının bombardiri kimi "Qızıl buts" alıb.
Bu barədə klubun mətbuat xidməti məlumat yayıb.
Portuqaliyalı Səudiyyə Ərəbistanı çempionatının son mövsümünün bombardiri olub. 39 yaşlı futbolçu çempionatda 35 qol vurub.
Xatırladaq ki, Səudiyyə Ərəbistanı Pro-Liqasının 2023/2024 mövsümünün nəticələrinə əsasən, "Əl-Hilal" 94 xal toplayaraq erkən çempion olub. "Ən-Nəsr" isə ikinci yeri tutub (82 xal). Turnir cədvəlində ilk üçlüyü 65 xalla "Əl-Əhli" qapayıb.
