Yaxınlıqdakı qəbirdə isə başları qərbə baxan iki itin qalıqları tapılıb. Fransa Milli Arxeoloji Tədqiqatlar İnstitutunun mütəxəssisləri karbon tarixi ilə müəyyən ediblər ki, qalıqlar eramızdan əvvəl 100-100-cü illərə, Romalıların Qədim Qalliyanı zəbtinin sonu və Qədim Roma İmperiyasının başlanğıcına aiddir. Arxeoloqlar heyvanların döyüşdə öldürüldüyünü və ya ritualın bir parçası kimi basdırıldığını müəyyən etməyə çalışırlar. Qalıqlar da parazit olub-olmaması üçün tədqiq edilir, lakin yalnız erkək yetkin atların basdırılması heyvan xəstəliyini ehtimal etmir. Qazıntı yerindən dövrə aid tikililər, xəndəklər və orta əsr yolları da aşkar edilmişdir. İlk qazılmış çuxurda iki cərgədə üst-üstə yığılmış 10 tam at skeleti var idi. Bu nümunə Fransanın başqa yerlərində edilən əvvəlki kəşflərə bənzəyir. Bildirilib ki, qalıqlar nadir olması səbəbiylə fövqəladə bir tapıntıdır. Atlar sadəcə olaraq çuxura atılmayıb, ehtiyatla basdırılıb, onlara qayğı və hörmətlə yanaşılıb. Əfsanə Rəcəb
Manşet.az
