Ötən gün Türkiyənin Mərsin şəhərinin Tarsus rayonunda baş vermiş zəncirvari yol-nəqliyyat hadisəsində yaralananların sayı 39-a yüksəlib, 10 nəfər ölüb.
Tszadlar.az "Anadolu"ya istinadla bildirir ki, bu barədə ölkənin daxili işlər naziri Ali Yerlikaya özünün x səhifəsində məlumat verib. Sitat: “Diyarbəkirdən İstanbula gedən sərnişin avtobusu Mərsin şəhərinin Tarsus rayonu, Yenice qovşağı ərazisində magistral yolda 2 minik avtomobili və 1 yük maşını ilə toqquşub. Təəssüf ki, qəzada, ilkin məlumatlara görə, 10 vətəndaşımız həyatını itirib, 39 vətəndaşımız isə yaralanıb”. Zəncirvari qəzanın günahkarının kimliyi və səbəbləri araşdırılır.
