![](https://cdn.yeniavaz.com/uploadedfiles/custom/2018/9/17/1/40681445-ce77-490b-bb62-efdb7eceb395/partlayis4.jpg)
İranın qərbindəki Abdanan şəhərində qaz kəmərində partlayış baş verib.
Yeniavaz.com ISNA-ya istinadən xəbər verir ki, hadisə nəticəsində iki fəhlə həlak olub, daha iki nəfər yaralanıb.
"Abdananda qaz partlayışı nəticəsində yaşayış binası dağılıb. İki fəhlə ölüb, ikisi yaralanıb", - məlumatda deyilir.
İlkin məlumata görə, partlayış özəl telekommunikasiya şirkətlərindən biri tərəfindən aparılan qazıntı işləri və təhlükəsizlik qaydalarına əməl edilməməsi səbəbindən baş verib.