“Google” bir müddətdir ki, süni intellekti axtarış sisteminə inteqrasiya etməyə çalışır.
İndex.az xəbər verir ki, məlumat verməyi hədəfləyən süni intellektə əsaslanan “Google Axtarış”, zaman-zaman yanlış cavablar verdiyi üçün tənqid mərkəzinə çevrilib.
“AI Overviews” adlı alət keçən həftədən “Google Axtarış”da sınaqdan keçirilir. Axtarış nəticələrini ümumiləşdirmək üçün süni intellektdən istifadə edən bu funksiya istifadəçilərin vaxtına qənaət etməyi hədəfləyir.
Bununla belə, bəzi istifadəçilər süni intellektin müəyyən axtarış nəticələrində qəribə və yanlış cavablar verdiyini bildiriblər.
Yanlış cavabların mənbələri qeyri-müəyyən olaraq qalır. Bununla belə, bir çox insanlar sosial mediada dezinformasiyanı ayırd etməkdə çətinlik çəkdiklərini düşünür. Qeyd edək ki, bu cavablar sosial mediada gülüş obyektinə çevrilib. Bu, həmçinin şirkətin süni intellekt axtarış motoru təcrübəsinə də xələl gətirir.
“Google” isə bu cür nümunələrin çox nadir olduğunu müdafiə etdi. Texnologiya nəhəngi geniş miqyasda faktiki olaraq dəqiq xülasələr çıxarmağın çox çətin olduğunu vurğuladı.
