Müəllif: Gülnar Əhmədli, Banco.az
Azərbaycandakı 17 sığorta şirkətinin xətti ilə 2024-cü ilin yanvar-aprel aylarında 542 milyon 841 min manat sığorta haqqı yığılıb.
Banco.az Azərbaycan Mərkəzi Bankına istinadən xəbər verir ki, bu, 2023-cü ilin eyni dövrünə nisbətən 75 milyon 311 min manat və ya 16,1% çoxdur.
Hesabat dövründə sığorta şirkətlərinin həyata keçirdikləri ödənişlərin məbləği isə 209 milyon 555 min manata bərabər olub. Bu da illik müqayisədə 74 milyon 953 min manat və ya 55,7% artım deməkdir.
