Türkiyə hakimiyyəti FETÖ terror təşkilatının son nümayəndəsi məsuliyyətə cəlb olunana qədər onun tərəfdarlarını təqib edəcək.
Missiya.Az Report-a istinadən xəbər verir ki, bunu Türkiyə Prezidenti Rəcəb Tayyib Ərdoğan Ankarada ədliyyə orqanlarının nümayəndələri ilə görüşündə deyib.
O qeyd edib ki, Türkiyədə çevrilişlərin vaxtı keçib və gec-tez onların iştirakçıları məsuliyyətə cəlb olunublar:
“Xalqın iradəsinə qarşı çıxanlar, demokratiyaya əl qaldıranlar cəzalandırılıblar. Türkiyə məhkəmələri 12 sentyabr (1980), 28 fevral (1997), 15 iyul (2016) hadisələrində iştirak edən sui-qəsdçilərə hökm oxudular. 253 vətəndaşımızı öldürənlər heç vaxt gün işığı görməyəcək”.
