Şimali Koreya lideri Kim Çen Inın bacısı Kim Yo Conq KXDR və Rusiya arasında silah satışı ilə bağlı xəbərləri absurd və uydurmalarla dolu adlandırıb.
NOCOMMENT.az xəbər verir ki, bu barədə Koreya Mərkəzi Xəbər Agentliyi (KCNA) məlumat yayıb.
Onun sözlərinə görə, Rusiyaya silah ixracı ilə bağlı dezinformasiyalar ictimaiyyəti çaşdırmaq üçün “düşmən qüvvələr” tərəfindən yayılır.
“KXDR və Rusiya arasında silah sövdələşmələrinin versiyası qeyri-dəqiq fikirlər və uydurmalarla doludur və eyni zamanda şərh və ya qiymətləndirmənin mənası olmayan absurd fərziyyədir”, – Kim Yo Conq deyib.
