Dünyada hər il 7 milyona yaxın insanın hipertoniya ilə bağlı problemlər nəticəsində həyatını itirdiyini ifadə edən Kardiologiya Mütəxəssisi Prof. Dr. Nevrez Koylan hipertoniya ilə mübarizə üçün 6 təbii yolu diqqətə çatdırıb.
News24.az həmin yolları təqdim edir:
1- ÇUĞUNDUR: İdmançılar məşq performansını yaxşılaşdırmaq üçün tez-tez çuğundur əlavələri qəbul edirlər, çünki bu kök tərəvəz qan axını və əzələlərə oksigen çatdırılmasını artırır və qan təzyiqini aşağı salır.
2- SARIMSAQ: Sarımsağın təzyiqi salmaq və ürək xəstəliyi riskini azaltmaq kimi bir çox faydası var. Pəhrizə sarımsaq əlavə etmək qan təzyiqini təbii şəkildə aşağı salmağa kömək edə bilər.
3- YAŞIL ÇAY: Yaşıl çay, sağlam qan təzyiqi səviyyələri də daxil olmaqla, müxtəlif təsir edici sağlamlıq faydaları ilə əlaqələndirilir. Tədqiqatlar göstərir ki, yaşıl çay əlavələrinin qəbulu yüksək səviyyədə olan və olmayan insanlarda qan təzyiqini əhəmiyyətli dərəcədə azaldır.
4- ZƏNCƏFİL: Başqa bir araşdırmaya görə, 8 həftəyə qədər gündə 3 qram və ya daha çox dozada zəncəfil əlavələrinin qəbulunun 50 yaş və altındakı insanlarda qan təzyiqini əhəmiyyətli dərəcədə aşağı saldığı müşahidə edilmişdir.
5- C VİTAMİNİ: C vitamini bədənimizin bir çox vacib proseslər üçün ehtiyacı olan suda həll olunan qidadır. Son araşdırmalar göstərir ki, C vitamini qəbul etmək qan təzyiqi səviyyəsini əhəmiyyətli dərəcədə aşağı salır. C vitamini çatışmazlığı olan insanlarda qan təzyiqi riski daha yüksək ola bilər.
6-D VİTAMİNİ: Tədqiqatlar, yüksək səviyyədə D vitamini olan insanların hipertoniya riskinin aşağı səviyyədə olanlara nisbətən yüzdə 30-a qədər azaldığını müəyyən etdi. Buna görə də yüksək qan təzyiqi olan insanlar D vitamini səviyyələrini yoxlatdıra və lazım gəldikdə ona uyğun əlavələr qəbul edə bilərlər.
Mehriban Mirzəzadə
