Gürcüstan prezidenti Salome Zurabişvili “Xarici təsirin şəffaflığı haqqında” qanun layihəsinin əleyhdarlarını son dərəcə diqqətli olmağa çağırıb.
QAZILER.AZ Publika.az-a istinaden xəbər verir ki, o, bu sözləri keçirdiyi brifinq zamanı deyib.
"Gürcüstanın baş nazirinin çıxışlarında deyilir ki, “Gürcü arzusu” bu qanun layihəsinin əleyhdarlarına qarşı mitinqlərdə təxribatlar təşkil etməyi planlaşdırır. Mitinq iştirakçılarına müraciət etmək istəyirəm ki, diqqətli olsunlar. Bəzilərinin planları var ki, sizi təxribata çəksinlər. Buna görə də istəyirəm ki, siz çox diqqətli olasınız. Bu, qorxu deyil, ehtiyatlı olmaqdır", - Zurabişvili bildirib.
