Azərbaycan Basketbol Liqasının yarımfinal mərhələsində bu gün daha bir oyun keçiriləcək.
Sportnet.az xəbər verir ki, "Sərhədçi" İdman Mərkəzində "Xəzri" və "NTD-İndiqo" arasında ikinci görüş baş tutacaq.
Matçın start fiti saat 19.30-da səslənəcək. Komandaların ilk görüşü "Xəzri"nin 63:61 hesablı qələbəsi ilə başa çatıb. "NTD-İndiqo" qələbə qazanacağı təqdirdə, mayın 13-də üçüncü görüş olacaq.
Qeyd edək ki, bu cütün qalibi finalda "Sabah"ın rəqibi olacaq.
