Ərdoğan Rusiya və Ukraynanı danışıqları bərpa etməyə çağırıb

Türkiyə və Braziliya prezidentləri arasında telefon danışığı olub
Türkiyə Prezidenti Rəcəb Tayyib Ərdoğan Rusiya və Ukraynanın danışıqlar masasına qayıtmağının zəruri olduğunu deyib.
AYNA xəbər verir ki, o, bu barədə Braziliya Prezidenti Luiz İnakio Lula da Silva ( Luiz İnacio Lula da Silva) ilə telefon danışığında bildirib.
R.T.Ərdoğan Ankaranın Rusiya ilə Ukrayna arasında davam edən müharibəni yaxından izlədiyini diqqətə çatdırıb.
O, Moskva və Kiyevi danışıqlar masasına qayıtmağa, hüquqa uyğun, ədalətli sülhün bərqərar olması üçün səy göstərməyə çağırıb.