Pakistan baş nazirinin müavini və XİN rəhbəri İshaq Dar ABŞ-ın xəbərdarlığına baxmayaraq, İranla "Sülh" qaz kəmərinin tamamlanacağına əminliyini ifadə edib.
Yenisabah.az “Dawn”a istinadla xəbər verir ki, nazir mətbuat konfransında bildirib:
“ABŞ Pakistan-İran qaz kəməri layihəsini dəstəkləmədiyini bildirib və Tehranla iş apararkən sanksiyalar riski barədə xəbərdarlıq edib. Birləşmiş Ştatlar və ya digər ölkələrin nə deməsindən asılı olmayaraq, öz maraqlarımızı rəhbər tutmalı və onlara uyğun hərəkət etməliyik”.
Pakistan heç bir diktəyə tabe olmayacaq. O, suveren dövlətdir, biz digər ölkələrin suverenliyinə hörmət edirik və onlardan Pakistanın suverenliyinə hörmət etmələrini gözləyirik".
Bundan əvvəl Pakistan hökuməti İran prezidenti İbrahim Rəisinin aprel ayında İslamabada rəsmi səfərini yüksək qiymətləndirib, səfər zamanı geosiyasi problemlərə və mümkün Amerika sanksiyalarına baxmayaraq, qaz kəmərinin tikintisinin başa çatdırılması müzakirə edilib.
Telegram kanalımız
