Məlum olduğu kimi, “Vest Hem”in baş məşqçisi, şotland mütəxəssis Devid Moyes cari mövsümün sonunda “çəkicdöyənlər”lə yollarını ayıracaq.
Arena.az “Vest Hem”in rəsmi saytına istinadən məlumat verir ki, cari müqaviləsinin başa çatması ilə gerçəkləşəcək gedişi barədə şotland mütəxəssis öz fikirlərini ifadə edib:
“Vest Hem”də dörd yarım parlaq il keçirdim və klub 2019-cu ildə qayıtdığım vaxtdan daha güclü vəziyyətdədir. Mən ikinci dəfə “Vest Hem”a gələndə onlar aşağı liqa bölgəsindən bir pillə yuxarıda idilər və bu, mənim ardıcıl üç mövsümü Avropada keçirməyimdə inanılmaz bir səyahət idi.
Klubu təhlükəsizliyə daşıyaraq, komandanı Premyer Liqada altıncı və yeddinci yerlərə apardıq, keçən il iyun ayında isə Konfrans Liqası qənimətini qazananda çox sevindim – klubun 43 il ərzində ilk böyük qəniməti.
Dörd il yarım ərzində göstərdikləri dəstəyə və əldə etdikləri uğurlara görə bütün oyunçulara təşəkkür etmək istərdim. Mən “Vest Hem”də hər kəslə işləməkdən həzz aldım və bu böyük kluba rəhbərlik etmək fürsətini mənə verdiyi üçün idarə heyətinə təşəkkür etmək istərdim. Mən davamçıma, direktorlara, oyunçulara, heyətə, azarkeşlərə və “Vest Hem”dəkı hər kəsə gələcək üçün ən yaxşısını arzulayıram”, deyə şotland mütəxəssis bildirib.
Xatırladaq ki, Devid Moyes 2017-ci ildən bu komandaya rəhbərlik edir. 2018-ci ildə “Vest Hem”dən ayrılan məşqçi, 2019-cu ilin dekabrında yenidən bu kluba qayıdıb. Moyes ilk dönəmdə İngiltərə klubunun sükanı arxasında 31 matç (9 qələbə, 10 heç-heçə, 12 məğlubiyyət) keçirib. Sonrakı dövrdə isə o, bu komandanı 228 oyuna çıxarıb. Bu görüşlərdə 102 qələbə, 43 heç-heçə, 83 məğlubiyyət qeydə alınıb.
“Vest Hem” Devid Moyesin rəhbərliyi altında bu mövsüm İngiltərə Premyer Liqasında 36 oyun keçirib. Komanda bu oyunlarda 13 qələbə qazanıb, 13 məğlubiyyətə üzülüb, 10 görüşdə isə heç-heçə qeydə alınıb. Rəqib qapılarından 56 top keçirmiş “Vest Hem” özü 70 qola üzülüb. 49 xala malik komanda mövsümün sonuna 2 tur qalmış 9-cu pillədə qərarlaşıb.
