Türkiyədə milli qırıcı KAAN-ın 6-cı nəsil döyüş təyyarəsinə çevrilməsi üzərində işlərə başlanılıb. Bu barədə defenceturk.net məlumat yayıb. “Bizim işimiz KAAN qırıcısının 6-cı nəslə çevrilməsi istiqamətində davam edir. Bu təyyarə gələcəkdə ANKA III hücum PUA-sı və “Şimşək” kamikadze dronunu idarə edəcək təyyarə olacaq”, - deyə Milli Döyüş Təyyarələri layihəsinin baş mühəndisi Emre Yaban bildirib.
Məlumata görə, KAAN qırıcısının pilotu supertexnoloji xüsusi dəbilqədən istifadə edərək PUA-ları havada idarə edəcək. Döyüş uçuşunu yerinə yetirən “mükəmməl üçlük” düşmənin hava hücumundan müdafiə sistemini çaşdıracaq.
Mətləb Salahov
