AZ

Agentlik Özbəkistanın Dövlət Tibbi Sığorta Fondu ilə əməkdaşlıq edəcək

İcbari Tibbi Sığorta üzrə Dövlət Agentliyi (Agentlik) ilə Özbəkistan Respublikasının Dövlət Tibbi Sığorta Fondu (Fond) arasında əməkdaşlıq və qarşılıqlı fəaliyyət haqqında memorandum imzalanıb.

Memorandumu Agentliyin İdarə Heyətinin sədri Zaur Əliyev və Fondun icraçı direktoru Zoxid Ermatov imzalayıblar.

Memorandum iki qurum arasında tərəfdaşlıq münasibətlərinin, səmərəli və qarşılıqlı əməkdaşlığın qurulmasını ehtiva edir. Memorandum çərçivəsində icbari tibbi sığorta sisteminin təkmilləşdirilməsi üzrə birgə tədbirlərin həyata keçirilməsi nəzərdə tutulub.

Sənəd əsasında tərəflər tibbi yardımın keyfiyyətinə nəzarət metodlarının, güzəştli dərman təminatının, maliyyə mexanizmlərinin, informasiya texnologiyalarının və icbari tibbi sığorta çərçivəsində digər fəaliyyət növlərinin tətbiqi üzrə təcrübə mübadiləsi aparmaq və qarşılıqlı maraq doğuran məsələlər üzərində çalışmaq, birlikdə müxtəlif fəaliyyətlər yerinə yetirmək barədə razılaşma əldə edilib.

Ən sərfəli kredit üçün müraciət et

Bütün xəbərləri reklamsız oxumaq üçün

Günlük ölkədə baş verən xəbərləri bizdən izlə.

Seçilən
265
15
banco.az

10Mənbələr