ABŞ kəşfiyyatının direktoru Netanyahu ilə görüşəcək

ABŞ Mərkəzi Kəşfiyyat İdarəsinin (MKİ) direktoru Uilyam Burns Misir və Qətərin vasitəçiliyi ilə İsrail və HƏMAS arasında Qəzzada atəşkəs və qarşılıqlı məhbus mübadiləsinə dair danışıqlar davam edərkən, İsrailin Baş naziri Binyamin Netanyahu ilə görüşəcək.

525.az xəbər verir ki, Qəzzada əsir mübadiləsi razılaşması müzakirələri üçün Qətər Baş naziri Məhəmməd bin Əbdürrəhman Əl Tani ilə görüşmək üçün dünən Dohaya gedən Burns təmaslarını davam etdirir.

Belə ki, İsrailli bir rəsmi Burns və Netanyahu arasında görüşün bu gün günortadan sonra Qərbi Qüdsdə baş tutacağını bildirib.

Qeyd edək ki, mayın 3-də Burns İsrail və HƏMAS arasında əsir mübadiləsi danışıqlarında iştirak etmək üçün Misirin paytaxtı Qahirəyə getmişdi.

Məhəmməd Tağıyev























Bizi Facebookda izləyin