Bakı, 6 may, AZƏRTAC
Fərdi mobillik vasitələrinin təşviqi və istifadəçilərin təhlükəsizliyini artırmaq məqsədilə Bakı şəhərində işıqforlarda velosiped bölmələrinin quraşdırılması işləri davam etdirilir.
Azərbaycan Yerüstü Nəqliyyat Agentliyindən AZƏRTAC-a bildirilib ki, bu çərçivədə R. Behbudov - Ş. Bədəlbəyli küç., Ş. Bədəlbəyli - S. Rüstəm küç., Azərbaycan pr - Ç. Mustafayev küç., M. Əliyev - S. Vurğun küçələrinin kəsişməsində yerləşən işıqforlarda velosiped bölmələrinin quraşdırılması işləri yekunlaşıb.
