Bakıda keçirilən VI Ümumdünya Mədəniyyətlərarası Dialoq Forumu iki gün ərzində çox məhsuldar keçib, iki gün ərzində çoxlu sayda aktual məsələlərə toxunulub.
“Report” xəbər verir ki, bunu ASEAN Parlamentlərarası Assambleyanın Baş katibi Siti Rozaimeriyanti Dato Haji Abdul Rahman jurnalistlərə açıqlamasında deyib.
“Bu iki günlük tədbir həqiqətən çox maraqlı və həm də çox əhatəli idi. Burada COP29-a hazırlıqdan tutmuş süni intellektə bir çox məsələlərə toxunulub”, - o vurğulayıb.
Baş katib belə genişmiqyaslı tədbirin təşkilinə görə Azərbaycan hökumətinə minnətdarlığını bildirib.
