VI Ümumdünya Mədəniyyətlərarası Dialoq Forumu çərçivəsində mayın 2-də mədəniyyət naziri Adil Kərimlinin ölkələrin UNESCO yanında daimi nümayəndələri ilə görüşü keçirilib.
Mədəniyyət Nazirliyindən APA-ya verilən xəbərə görə, görüşdə Azərbaycan-UNESCO əməkdaşlığından söz açılıb, ölkəmizin təşkilatın fəaliyyətində yaxından iştirakı qeyd olunub.
Diqqətə çatdırılıb ki, 2022-ci ilin oktyabr ayında Azərbaycanın UNESCO-nun 215-ci sessiyasının gündəliyinə təklif etdiyi "Bakı Prosesi”: dayanıqlı sülh və inkişaf üçün mədəniyyətlərarası dialoqu və sosial inklüzivliyi təşviq etmək" adlı qərar layihəsi yekdilliklə qəbul edilib. Bu dəstəyə görə ölkəmiz adından UNESCO-nun İcraiyyə Şurasına minnətdarlıq ifadə olunub.
Nazir Forum çərçivəsində mayın 3-də Ağdamda təşkil olunacaq “Minaların və partlamamış hərbi sursatların mədəni mülkiyyətə təsiri” mövzusunda xüsusi sessiya barədə məlumat verib. Bildirilib ki, sessiya UNESCO-nun 2023-cü ildə qəbul etdiyi “Minaların mədəni mülkiyyətə təsirinə dair qətnamə”sinə həsr olunub.
Görüşdə qarşılıqlı maraq doğuran məsələlərlə bağlı müzakirə aparılıb.
![Mədəniyyət](https://apa.az/storage/news/2024/may/02/big/66337c4f64ccc66337c4f64ccd171465019166337c4f64cca66337c4f64ccb.jpg)
![Mədəniyyət](https://apa.az/storage/news/2024/may/02/big/66337c4f8064166337c4f80642171465019166337c4f8063e66337c4f80640.jpg)
![Mədəniyyət](https://apa.az/storage/news/2024/may/02/big/66337c4f8cfa666337c4f8cfa7171465019166337c4f8cfa366337c4f8cfa4.jpg)
![Mədəniyyət](https://apa.az/storage/news/2024/may/02/big/66337c4f9ad0f66337c4f9ad10171465019166337c4f9ad0c66337c4f9ad0d.jpg)
![Mədəniyyət](https://apa.az/storage/news/2024/may/02/big/66337c4fa77f766337c4fa77f8171465019166337c4fa77f466337c4fa77f5.jpg)
![Mədəniyyət](https://apa.az/storage/news/2024/may/02/big/66337c4fb3b8566337c4fb3b86171465019166337c4fb3b8166337c4fb3b83.jpg)
![Mədəniyyət](https://apa.az/storage/news/2024/may/02/big/66337c4fc008466337c4fc0085171465019166337c4fc008166337c4fc0082.jpg)