Ermənistan və İran aviasiya sahəsində əməkdaşlığı dərinləşdirməyi planlaşdırır. Bundan başqa, Ermənistan aviasiyasının nümayəndələrinin Tehranda İran təcrübəsini yerindəcə öyrənməsi gözlənilir.BUTA.TV xəbər verir ki, bu barədə Ermənistan Ərazi İdarəetmə və İnfrastruktur Nazirliyinin mətbuat xidməti məlumat yayıb. Məlumata görə, Ermənistanın ərazi idarəetmə və infrastruktur naziri Qnel Sanosyan və İranın Mülki Aviasiya Təşkilatının rəhbəri Məhəmməd Məhəmmədi-Baxşi arasında müvafiq razılıq əldə olunub: “Görüş zamanı tərəflər təyyarələrə texniki xidmət göstərilməsi, mütəxəssislərin yenidən hazırlanması, iki ölkə arasında uçuşların sayının artırılması, eləcə də tranzit uçuşların inkişafı imkanlarını müzakirə ediblər”.
Bütün xəbərləri reklamsız oxumaq üçün
Günlük ölkədə baş verən xəbərləri bizdən izlə.
