Əfqanıstanın qərbindəki Herat əyalətində məsciddə namaz qılınarkən silahlı hücum nəticəsində 6 nəfər həyatını itirib.
Taliban administrasiyasının Daxili İşlər Nazirliyinin sözçüsü Əbdül Kani Metin sosial media platformasında verdiyi açıqlamada, Herat əyalətinin Guzera rayonunda bir silahlının məscidə Kalaşnikov avtomatından atəş açması nəticəsində 6 nəfərin həyatını itirdiyini bildirib.
Metin hadisə ilə bağlı ətraflı açıqlamanın daha sonra veriləcəyini qeyd edib.
Digər tərəfdən "TOLO News" kanalı şiə məscidinə edilən hücumda aralarında məscid imamı da daxil olmaqla 7 nəfərin öldüyünü açıqlayıb.
Hələlik heç kim hücuma görə məsuliyyəti üzərinə götürməyib.
