ABŞ və Avropa ölkələri bunu etməsə... - İran XİN

ABŞ və bir sıra Avropa ölkələri Ukrayna və Fələstinin Qəzza zolağında münaqişələrin sona çatmasına kömək etmək əvəzinə, sadəcə olaraq müharibəni qızışdırmaqla, başqalarını ittiham etməklə məşğuldurlar.

Teleqraf.com xəbər verir ki, bunu İran Xarici İşlər Nazirliyinin rəsmi nümayəndəsi Nasir Kənani deyib.

“Əgər ABŞ və Avropa səmimi qərarlılıq nümayiş etdirsələr, Ukrayna və Qəzzada münaqişələr qısa zamanda sona çatacaq. Amma ABŞ və bir sıra Avropa ölkələri müharibənin sona çatmasına kömək etmək əvəzinə, tarixin yanlış istiqamətində hərəkət etməkdə israrlıdırlar", - Kənani bildirib.