AFFA İntizam Komitəsi üç futbolçunu cəzalandırıb.
Publika.az xəbər verir ki, buna onların rəqib futbolçuları təhqir etməsi səbəb olub.
Xoşagəlməz hadisə Əvəzedicilər Liqasında 31-ci turun "Zirə-2” – "Neftçi-2” oyununda baş verib.
52-ci dəqiqədə Ramin Abdullayev qonaq komandanın futbolçusunu təhqir etdiyinə görə birbaşa qırmızı vərəqə alıb. "Neftçi-2″nin heyətində isə eyni səbəbdən 75-ci dəqiqədə Fərid Səfərli, 78-ci dəqiqədə isə İbrahim Novruzov meydandan qovulublar.
