İqtisadiyyat Nazirliyinin Dövlət Vergi Xidmətində nəzarət kassa aparatı operatorları və 20-yə yaxın aparıcı klinikanın nümayəndələrinin iştirakı ilə görüş keçirilib.
AzNews.az bu barədə quruma istinadən xəbər verir.
Məlumata görə, görüşdə nağdsız qaydada və nəzarət-kassa aparatına vahid əməliyyat sistemində inteqrasiya edilmiş POS-terminal vasitəsilə həyata keçirilən ödənişlər əsasında formalaşan dövriyyəsinin 50 %-i məbləğində verilən ƏDV güzəştindən istifadə vəziyyəti, həmçinin səhiyyə müəssisələri üzrə əmlak vergisi, muzdlu işlə əlaqədar gəlir vergisi ilə bağlı güzəşt və azadolmaların klinikaların iqtisadi göstəricilərinə təsiri kimi məsələlər müzakirə edilib.