Yeni hava dezinfeksiya texnologiyası pandemiyanın qarşısını ala bilər.Bu barədə Avropa Kliniki Mikrobiologiya və Yoluxucu Xəstəliklər Cəmiyyəti (ESCMID) məlumat yayıb.Ultrabənövşəyi işığın antibakterial və antiviral fəaliyyəti 1940-cı illərdən məlumdur. Xəstəxanalarda geniş istifadə olunur, lakin dezinfeksiya yalnız otaqda insanlar olmadıqda mümkündür. Çünki ultrabənövşəyi radiasiya gözlər və dəri üçün təhlükəlidir.Otaq dezinfeksiyasına yeni yanaşma “FAR UV-C” adlanır. Alimlər 222 nm dalğa uzunluğuna malik radiasiyadan istifadə etməyi təklif etdilər (adətən dalğa uzunluğu 254 nm-lik işıqdan istifadə olunurdu). Bu şüalanma dəriyə, gözlərə və toxumalara zərər vermir.Tədqiqatlar göstərdi ki, “FAR UV-C” qrip viruslarını, “SARS-COV-2”ni tez və effektiv şəkildə təsirsiz hala gətirə və bakteriyaları öldürə bilər. Bu vəziyyətdə patogenlər vaksinlər və dərmanlarla olduğu kimi radiasiyaya qarşı müqavimət göstərə bilməzlər.Real otaqda aparılan əlavə sınaqlar göstərdi ki, “FAR UV-C” havadakı virus hissəciklərinin sayını 99%-dən çox azaldır. Bu o deməkdir ki, yeni texnologiya adi hava filtrasiyası və ventilyasiya sistemlərindən qat-qat səmərəlidir.
- Gecə Modu
- Ana səhifə
- İstifadəçilər
- Səhifələr
- Reytinq
- Hava
- Valyuta
