Putin mayda Çinə gedəcək

Rusiya Prezidenti Vladimir Putin may ayında Çinə səfər etməyi planlaşdırdığını açıqlayıb.

“Qafqazinfo” TASS-a istinadən xəbər verir ki, o, bu haqda Rusiya Sənayeçilər və Sahibkarlar İttifaqının (RSPP) qurultayında çıxış edən zaman danışıb.

“Mən may ayında Çinə səfər etməyi planlaşdırıram”, - dövlət başçısı bildirib.

Qeyd edək ki, Putin dəqiq tarixi açıqlamayıb, lakin göstərilən ayı nəzərə alsaq, bu səfər prezidentin yeni dövründə ilk xarici səfəri ola bilər.