Azərbaycanın FİFA referisi Əliyar Ağayev növbəti dəfə Yunanıstan Superliqasının "Panatinaikos" - "Aris" oyununu idarə edəcək.
QOL.az xəbər verir ki, bu barədə Yunanıstanın "Yellowradio" nəşriməlumat yayıb. Görüşdə Ə.Ağayevə yan xətt hakimləri qismində Zeynal Zeynalov və Əkif Əmirəli kömək göstərəcəklər. Kamal Umudlu AVAR-da yer alacaq.
Qeyd edək ki, sözügedən oyun aprelin 28-də keçiriləcək və Bakı vaxtı ilə saat 21:30-da başlayacaq.
Xatırladaq ki, "Panatinaikos"un baş məşqçisi Fatih Terimdir.