Gürcüstanda ilin ilk 3 ayında 15 min yeni şirkət qeydə alınıb

Cari ilin birinci rübdə Gürcüstanda 15 minə yaxın yeni şirkət qeydiyyatdan keçib.

Vətəninfo.az xəbər verir ki, bunu Gürcüstanın statistika qurumu (Sakstat) açıqlayıb.

Ümumilikdə ölkədə 995,7 min müəssisə olsa da, onların cəmi 27 faizi, yəni 273,7 mini fəaliyyət göstərir, eyni zamanda, 533 mindən çox şirkətin fəaliyyət dairəsi məlum deyil.

Ən çox müəssisə topdan və pərakəndə ticarət və avtomobillərin və motosikletlərin təmiri sahəsində qeydə alınıb – bunlardan yalnız 43 faizi fəaliyyət göstərir.

İkinci yerdə emal sənayesi qərarlaşıb – 44,6 min (41% aktiv). Üçüncü yerdə 33,8 min şirkətin qeydiyyatdan keçdiyi nəqliyyat və anbar təsərrüfatıdır (57% aktivdir).